யூரிக் அமிலத்தை குறைக்க உதவும் 5 பானங்கள்.

 யூரிக் அமிலத்தை குறைக்க உதவும் 5 பானங்கள்.

 

uric acid: ரத்தத்தில் இருக்கும் அதிக அளவு யூரிக் அமிலத்தை குறைக்க உதவும் 5 பானங்கள்... தினமும் குடிக்கலாம்...

ரத்தத்தில் யூரிக் அமிலம் அதிகரித்து அதனால் மூட்டு வலி, சிறுநீரகப் பிரச்சினைகள், கௌட் போன்ற பிரச்சினைகளால் அவதிப்படுகிறீர்களா? இதற்கு முக்கிய காரணமே நம்முடைய உணவுப் பழக்கம் தான். அதேபோல யூரிக் அமிலத்தின் அளவைக் கட்டுப்பாட்டுக்குள் வைக்க உதவுவதும் நம்முடைய உணவுப்பழக்கம் தான். குறிப்பாக கீழ்வரும் சில பானங்களை தினசரி உணவில் எடுத்துக் கொள்வதன் மூலம் ரத்தத்தின் யூரிக் அமிலத்தைக் கட்டுக்குள் வைக்க முடியும். அவை என்னென்ன என்று இங்கே பார்க்கலாம்.

நம்முடைய ரத்தத்தில் அதிகப்படியாக யூரிக் அமிலம் உற்பத்தி ஆவதற்கும் மிக முக்கியக் காரணமே நாம் அதிகமாக எடுத்துக் கொள்ளும் சில உணவுகள் தான்.

குறிப்பாக கடல் உணவுகள் (மத்தி, லாப்ஸ்டர், இறால், சால்மன்), சிவப்பு இறைச்சி, ஆல்கஹால், ஃப்ரக்டோஸ் அதிகமுள்ள உணவுகள் ஆகியவை ரத்தத்தில் யூரிக் அமிலத்தின் அளவையும் அடர்த்தியையும் அதிகரிக்கச் செய்கின்றன.

​யூரிக் அமிலத்தை கட்டுப்படுத்தும் க்ரீன் டீ

க்ரீன் டி ஏராளமான நன்மைகளைக் கொண்டிருக்கும் ஒரு பானம் என்பது நம் அனைவருக்கும் தெரியும். உடல், மனம் இரண்டையும் ஆரோக்கியமாகவும் புத்துணர்ச்சியோடும் வைத்திருக்க உதவும் ஒரு பானம் என்றால் அது க்ரீன் டீ என்று சொல்லலாம்.

கௌட், அதிகப்படியான யூரிக் அமிலம் ரத்தத்தில் இருப்பது போன்ற பிரச்சினைகளால் அவதிப்படுகிறவர்களுக்கு மிகச்சிறந்த தீர்வாக இந்த க்ரன் டீ இருக்கும்.

Journal of Clinical Rheumatology: Practical Reports on Rheumatic & Musculoskeletal Diseases என்னும் சர்வதேச அறிவியல் ஆய்விதழில் வெளிவந்துள்ள Effects of Green Tea Extract on Serum Uric Acid and Urate Clearance in Healthy Individuals என்னும் கட்டுரையில் க்ரீன் டீ எவ்வாறு ரத்தத்தில் இருக்கும் அதிகப்படியான யூரிக் அமிலத்தைக் கட்டுக்குள் வைக்கிறது. யூரிக் அமிலத்தால் ஏற்படும் பாதிப்புகளை எப்படி குறைக்கிறது என்பது குறித்து விளக்கமாக எடுத்துரைக்கிறது.

க்ரீன் டீயில் உள்ள அதிகப்படியான ஆன்டி - ஆக்சிடண்ட்டுகள் கௌட் போன்ற நோய் தொற்றுக்களைக் குறைக்க உதவுகின்றன.

​யூரிக் அமிலத்தை கட்டுப்படுத்தும் குறைந்த கொழுப்புள்ள பால்

ஸ்கிம்டு மில்க் அல்லது குறைந்த கொழுப்புள்ள பால் தினமும் ஒரு கிளாஸ் எடுத்துக் கொள்வது நல்லது. இந்த குறைந்த கொழுப்புள்ள பால் ரத்தத்தில் உள்ள அதிகப்படியான யூரிக் அமிலத்தின் அளவைக் குறைக்கிறது.

கௌட் பிரச்சினை உள்ளவர்கள் குறைந்த கொழுப்புள்ள பாலை குடிப்பது மட்டுமின்றி, குறைந்த கொழுப்புள்ள பாலில் தயார் செய்யப்படும் தயிர், யோகர்ட் போன்றவற்றை எடுத்துக் கொள்வது நல்லது.

​யூரிக் அமிலத்தை கட்டுப்படுத்தும் லெமன் வாட்டர்

காலை எழுந்ததும் வெறும் வயிற்றில் வெதுவெதுப்பான நீரில் எலுமிச்சை சாறை கலந்து குடிப்பதை வழக்கமாக்கிக் கொள்ளுங்கள். பிறகு உங்களுடைய உடலில் ஏற்படும் பல நல்ல மாற்றங்களை நீங்களே உணர்வீர்கள்.

அதிகப்படியான யூரிக் அமிலத்தைக் கட்டுப்படுத்தவும் கௌட் போன்ற பாதிப்புகளின் விளைவுகளைக் குறைக்கவும் லெமன் வாட்டர் பயன்படுகிறது.

எலுமிச்சையில் உள்ள அதிகப்படியான வைட்டமின் சி ரத்தத்தில் உள்ள யூரிக் அமிலத்தின் அளவை சமநிலையில் வைத்துக் கொள்ள உதவுகிறது. எலுமிச்சை மட்டுமின்றி ஆரஞ்சு போன்ற வைட்டமின் சி நிறைந்த பழங்களை எடுத்துக் கொள்வது நல்லது.

​யூரிக் அமிலத்தை கட்டுப்படுத்தும் ஹெர்பல் டீ

கெமோமில், லாவண்டர், க்ரீன் டீ மற்றும் செம்பருத்தி போன்ற டீ வகைகளை நாம் தினமும் எடுத்துக் கொள்ளும்போது இது உடலுக்கும் மனதுக்கும் புத்துணர்ச்சியைக் கொடுப்பதோடு மட்டுமின்றி உடலை நீரேற்றமாகவும் வைத்திருக்க உதவும் என்பது நமக்குத் தெரியும்.

அதேசமயம் இந்த மூலிகை டீ வகைகள் நம்முடைய ரத்ததத்தில் உள்ள யூரிக் அமிலத்தின் அளவையும் கட்டுக்குள் வைத்திருக்க உதவும். குறிப்பாக, அதிகப்படியான யூரிக் அமிலத்தால் கௌட் பிரச்சினையால் பாதிக்கப்பட்டவர்களுக்கு அதன் பாதிப்புகளைக் குறைக்க இந்த மூலிகை டீ வகைகள் பயன்படுகின்றன.

​யூரிக் அமிலத்தை கட்டுப்படுத்தும் காபி

ரத்தத்தில் உள்ள அதிகப்படியான யூரிக் அமிலத்தைக் கட்டுப்படுத்த காபி உதவுகிறது. அதிகரிக்கும் யூரிக் அமில அறிகுறிகளை நிர்வகிக்க காபி பயன்படுகிறது.

கௌட் போன்ற பிரச்சினைகளால் அவதிப்படுகிறவர்கள் ஸ்கிம்டு மில்க் அல்லது குறைந்த கொழுப்புள்ள பால் சேர்க்கப்பட்ட காபியை குடிப்பதன் மூலம் கௌட் பாதிப்பால் உண்டாகும் விளைவுகளைக் குறைக்க முடியும். ஆனால் கட்டாயம் அதில் சர்க்கரை சேர்த்து குடிக்கக் கூடாது.

ஆனால் காபி குடிப்பதற்கு முன்பாக ஒரு நாளைக்கு எத்தனை கப் குடிக்கலாம் என உங்களுடைய மருத்துவரிடம் ஆலோசனை பெறுவது நல்லது. அதிகபட்சமாக ஒரு நாளைக்கு 2 கப் அளவுக்கு மேல் காபி குடிக்காமல் இருப்பது நல்லது.