சென்னிமலை போர்வை

உலகப்புகழ் பெற்ற சென்னிமலை போர்வை

·         ஈரோடு சென்னிமலை போர்வைக்கு தேசியளவில் வரவேற்பு உண்டு.

·         வண்ணங்களிலும்,டிசைன்களிலும் புடவைக்கே சவால் விடுகின்றன சென்னிமலை போர்வைகள்.

·         ஈரோட்டிலிருந்து சுமார் 30 கிலோ மீட்டர் தொலைவில் உள்ள சின்னஞ்சிறு ஊர்தான் சென்னிமலை.

·         இங்கு பிரசித்திபெற்ற முருகன் மலைக்கோவில் அமைந்து இருக்கிறது.

·         தமிழகத்தில் பல பகுதியிலிருந்தும் சென்னிமலைக்கு ஆயிரக்கணக்கில் தினமும் பக்தர்கள் வந்துபோகின்றனர்.

·         சாமி கும்பிட வருகிறவர்கள் அப்படியே நான்கைந்து போர்வைகளையும் வாங்கிக்கொண்டு போவது இங்கு சர்வ சாதாரணமான காட்சி.

·         சென்னிமலை போர்வைகளின் தரமும் நிறமும் 15 ஆண்டுகளுக்கு நின்று பேசுமாம். ரூ. 150 முதல் ரூ. 500 வரை என ரகத்துக்கு ஏற்ப சென்னிமலை போர்வைகள் விலை பெறுகின்றன.

·         கைத்தறி போர்வைகள் உறுதியாகவும், நீண்ட காலம் உழைப்பதாகவும், இயந்திரங்களால் தயாரிக்கப்படும் போர்வைகளை விட அதிக ஆயுள் கொண்டவையாகவும் இருக்கும்.

·         சென்னிமலை போன்ற இடங்களில், பல தலைமுறைகளாக கைத்தறி நெசவுத் தொழில் நடந்து வருகிறது.

·         இங்கு தயாராகும் போர்வைகளில் 90 சதவிகிதத்துக்கும் மேலானவை கைத்தறியால் நெய்யப்படுபவை என்பதால் நம்பி வாங்கிச் செல்லலாம் என வியாபாரிகள் உறுதி தருகின்றனர்.

·         சென்னிமலை பெட்ஷீட் வெளியூர் வியாபாரிகள், மருத்துவமனை, விடுதிகள் போன்றவற்றிற்கு மொத்தமாகவும் வாங்குகின்றனர்.

·         ஆரம்ப காலங்களில் பிளைன் ரகங்கள் மட்டும்தான் தயாரிக்கப்பட்டது. இப்போது அனைத்து விதங்களிலும் போர்வைகள் தயார் செய்யப்படுகிறது.

·         இங்கு தயாரிக்கப்படும் ஜக்காடு வகை போர்வைகள் தனிச் சிறப்பானது.

·         டிசைன் நேர்த்தியோடு நெய்யப்படும் இந்த ஜக்காடு வகை போர்வை கம்பளி போர்வை போல அடர்த்தியாக இருக்கிறது.

·         பெரும்பாலும் கூட்டுறவு சங்கங்கள் மூலமே விற்பனை நடப்பதால் 10 முதல் 30 சதவிகித தள்ளுபடி விலையில் கிடைத்துவிடும்.

·         தேக்கமில்லாமல் எப்போதும் விற்பனை இருப்பதால் பழையது, புதியது என்கிற பிரச்சினையே இல்லை.

·         தலையணை உறை, துண்டு, கால்மிதிகளும் சில்லறை விலையில் தரமானதாக வாங்கிவர சென்னிமலை சரியான இடம்.