வில்வம்

 வில்வம்

வில்வம். இது ஆன்மிக விஷயங்களுக்காக பயன்படுத்தபடும் பொருள் மட்டும் அல்ல. இது மருத்துவ குணங்கள் நிறைந்ததும் கூட. வில்வம் சித்தா மற்றும் ஆயுர்வேதத்தில் பயன்படுத்தப்படும் பொருள். இது உடல் ஆரோக்கியம் சரும ஆரோக்கியம் போன்றவற்றுக்கும் பயன்படுத்தலாம்.

ஆக்ஸினஜேற்ற பண்புகள் கொண்ட வில்வ இலை உடலில் நோய் தீர்க்கும் மருந்தாகவும் பயன்படுத்தப்படுகிறது. நார்ச்சத்து குணங்களை கொண்டிருப்பதால் மலச்சிக்கல் பிரச்சனை வராது. யாரெல்லாம் வில்வ இலை எடுத்துகொள்ளலாம் என்று பார்க்கலாம். வில்வ இலையின் இலை, பட்டை வேர், பழம் என அனைத்துமே மருத்துவ குணங்களை கொண்டவை என்பதும் குறிப்பிடத்தக்கது.

 

*​ஆஸ்துமா பிரச்சனை*

 

ஆஸ்துமா பிரச்சனை கொண்டிருப்பவர்களுக்கு மூச்சிரைப்பு ஏற்படக்கூடும். பெரும்பாலும் வயதானவர்கள் தான் இந்த பிரச்சனையை அதிகம் எதிர்கொள்வதுண்டு. இந்த மூச்சிரைப்பு தீவிரமாகாமல் குறைய வில்வ இலை நீரை குடித்துவரலாம். தலைவலி, மண்டையில் நீர் கோர்வை, சைனஸ் பிரச்சனை கை வைத்தியத்துலயே சரியாகும்..

வில்வ இலைகள் 10 எடுத்து இரண்டு சொம்பு நீர்விட்டு அதில் ஊறவிடவும். காலையில் அந்த நீரை வடிகட்டி குடித்து வந்தால் ஒவ்வாமை மூச்சிரைப்பு நீங்கும்.

 

*ஈஸ்னோபீலியா*

 

உடலுக்கு நோய் எதிர்ப்பு சக்தியை அளிக்கும் ரத்த வெள்ளை அணுக்களில் முக்கிய ஐந்து பொருள்கள் நியூட்ரோபில், லிம்போசைட், மோனோசைட், ஈஸ்னோபில், பேசோபில் போன்றவற்றில் முக்கியமானது ஈஸ்னோபில். உடலில் நுழையும் நோய்க்கிருமிகளை அழிப்பதும், நோய் எதிர்ப்பு சக்தியை அதிகரிக்க உதவுவதும் இதன் பணி முக்கியமானது. இது குறைபாடு இருக்கும் போது வில்வ இலையை கொண்டு வந்து நிழலில் உலர்த்தி பொடிக்கவும். இதன் மடங்கில் ஐந்தில் ஒரு பாகமாக மிளகுத்தூள் சேர்த்து நன்றாக கலந்து காலை, மாலை என இரண்டு வேளையும் தேனில் குழைத்து ( அரை டீஸ்பூன் பொடி) சப்பிட்டு வந்தால் ஈஸ்னோபீலியா மூச்சிரைப்புக்கு பலன் கொடுக்கும்.

 

*​குடல் நச்சுத்தன்மை வெளியேற*

 

குடல் நச்சுத்தன்மை குடலில் இருக்கும் பூச்சிகள் அவ்வபோது வெளியேற்றப்பட வேண்டும். அதனால் தான் மூன்று மாதங்களுக்கு ஒரு முறை பூச்சி மருந்து சாப்பிடுவார்கள். ஆனால் நம் முன்னோர்கள் பூச்சி மருந்து எடுக்காமல் கீரைகள், மூலிகை பொடிகள் கொண்டு குடலை சுத்தம் செய்வதுண்டு. அப்படி அவர்கள் குடல் நச்சை நீக்க பயன்படுத்திய பொருள்களில் வில்வமும் ஒன்று.

வில்வம் பழத்தில் மிளகுத்தூள் சேர்த்து சாப்பிட்டால் மலச்சிக்கல் நீங்கி குடலும் சுத்தமாகும். வில்வம் பழத்துக்கு மாற்றாக வில்வ இலையை கொதிக்க வைத்து மிளகுத்தூள் சேர்த்து தேன் கலந்து குடிக்கலாம். வயிற்றில் இருக்கும் புழுக்கள் முழுவதுமாக வெளியேற இது சிறந்த மூலிகை.

 

*​அனைத்து தலைவலிக்கும் மருந்து*

 

தலைவலிக்கு மருந்து உள்ளுக்கு எடுப்பதை காட்டிலும் வெளிப்புறத்தில் தான் அதிகமாக பயன்படுத்தினார்கள் நம் முன்னோர்கள். தலைவலி பற்று என்று சொல்லக்கூடிய இந்த வைத்தியம் குறித்து நாம் பார்த்திருந்தாலும் வில்வ இலையும் பற்றுக்கு உதவும்.

தலைவலி, சைனஸ், கண்களில் நீர்வடிதல் போன்றவை தலைவலியோடு இருந்தால் அது அதிக உபாதை தரும். அப்போது வில்வ இலை அருகில் இருந்தால் அதை கொண்டே நீங்கள் உங்கள் உபாதையை பெருமளவு குறைக்க முடியும். வில்வ இலையை சாறு வெளியேறாமல் இடித்து மசித்து நெற்றியில் பற்று போடவும்.  தலைவலி இருக்கும் போது படுத்தபடி பற்று போட்டு பிறகு சாறு முழுக்க நெற்றியில் வடிந்ததும் துடைத்தால் தலைவலி குறையும்.

 

 

*​வில்வ இலை தேநீர்*

 

வில்வ இலை தேநீர் என்பது துளசி தேநீர், செம்பருத்தி தேநீர், எலுமிச்சை தேநீர் போன்று வில்வ இலை தேநீரும் உண்டு. வாரத்தில் இரண்டு நாட்கள் இந்த தேநீர் குடிக்கலாம். விலவ இலையை சுத்தம் செய்து நிழலில் உலர்த்டி பொடித்து வைக்கலாம். அப்படியே வில்வ இலைகளாகவும் போட்டு குடிக்கலாம். ஒரு டம்ளர் நீரில் 3 வில்வ இலை சேர்த்து கொதிக்க வைத்து வெதுவெதுப்பான சூட்டில் தேன் சேர்த்து குடிக்கலாம். இது உடலுக்கு ஆரோக்கியம் தருவதோடு நோய் எதிர்ப்புசக்தியும் புத்துணர்ச்சியும் தரக்கூடியது.

 

*​சரும வியாதி*

சரும வியாதிக்கும் சொரியாசிஸ் பிரச்சனைக்கும் இப்போது போல் மருந்துகள் இல்லாத காலம் அது. அப்போது மூலிகையை கொண்டு தான் சரும நோய்களை போக்கினார்கள். அப்படியான மூலிகையில் வில்வ இலைக்கும் பங்குண்டு. வில்வ இலையுடன் சம அளவு வேப்பிலை எடுத்து சிறிது கல் உப்பு சேர்த்து அரைத்து மசித்து சிறிது மஞ்சள் தூள் கலந்து வைக்கவும். இதை சருமத்தில் ஒவ்வாமை, தடிப்பு, தோல் அழற்சி போன்ற இடத்தில் தடவி உலரவிட்டு குளிர்ந்த நீரில் குளித்து வந்தால் சரும ஒவ்வாமை நீங்கும். சரும பிரச்சனையோடு சரும அழகுக்கும் உதவக்கூடியது. இதை தனியாக பார்க்கலாம்.