அலட்சியப் படுத்தக்கூடாத அறிகுறிகள் -4

 வயிற்றுப்போக்கு

அறிகுறிகள்	சாத்தியமான காரணங்கள்	நடவடிக்கைக்கான ஆலோசனை
வெளிப்படையான காரணமின்றி திடீர் வயிற்றுப் போக்கு	வைரல் தொற்று	சிலநாட்களில் பிரச்சினைகள் அகன்றுவிடும்
சில உணவுகளை உண்ட பின் வயிற்றுப்போக்கு	உணவு ஒவ்வாமை	அவ்வுணவை உண்ண வேண்டாம்
உணவுக்குப் பின் 2-6 மணி நேரத்தில் தொடங்கும் வயிற்றுப்போக்கு	கெட்ட, சரியாக சமைக்கப்படாத, அசுத்த உணவால் ஏற்பட்ட பாக்டீரியா தொற்று	பிரச்சினை சில நாட்களில் தீரும். மலம் இயல்புநிலையை அடையும் வரை கட்டியான உணவைத் தவிர்க்கவும்.
அயல் நாட்டில் பயணம் செய்யும்போது வயிற்றுப்போக்கு	பெரும்பாலும் பாக்டீரியாக்களால் அசுத்தமான தண்ணீர் மூலம் உண்டாகும் தொற்று	பொதுவாகப் பிரச்சினை 1-2 நாட்களில் தீர்ந்துவிடும். வாந்தி, தலைவலி போன்ற பிற அறிகுறிகளுடன் மேலும் தொடர்ந்தால் மருத்துவரை உடனடியாக அணுகவும்.
4 வாரங்களுக்கு மேலாக நீடிக்கும் வயிற்றுப் போக்கு	கிரோன் நோய், லாக்டோசை ஏற்காததால் ஏற்படும் குடல் எரிச்சல் போன்ற நாட்பட்ட நோய்கள்	மருத்துவர் உணவுக்குழாய் நிபுணர் ஆலோசனையை நாடலாம்.